Vinte asociacións galegas, internacionais e españolas veñen de unirse na campaña “Sobran vatios. Faltan ríos vivos. Sobran encoros”, reclamando que deixen de construírse encoros nos ríos do noso país. Estas asociacións piden que se modifiquen o Plano Hidrolóxico de Galicia-Costa e o Plano Sectorial Hidroeléctrico, que prevén a construcción de cen presas e de vintecatro grandes encoros. Unha campaña semellante desenvolvida en Asturias entre 1999 e 2000 acadou que se paralizasen os proxectos de setenta encoros.
Máis información en Ríos-Vivos.org
