Lugo achégalle o seu camposanto aos turistas

O Concello de Lugo quere que o camposanto de San Froilán pase a facer parte da Asociación de Cemiterios Significativos Europeos. De cara a conseguir a súa integración neste organismo, a concelleira de Servizos Sociais, Luísa Zarzuela, anunciou que o vindeiro ano ofertaranse visitas guiadas por este recinto, orientadas a pór de relevancia os persoeiros da cultura que alí están soterrados, coma Luís Pimentel, Ánxel Fole, ou Uxío Novoneira. Ademais, tamén se sinalizarán algúns dos elementos máis destacados do conxunto.