Primeiro foi o Premio Castelao de Banda Deseñada. Despois o Premio do Público no Saló del Còmic de Barcelona de 2008. Agora, a BD Un home feliz, de Antonio Seijas, chega á Radio Eslovena. O programa ARS de Radio Slovenija emitirá o vindeiro 5 de novembro ás 22:05 unha adaptación sonora desta obra. Segundo o autor, o programa achégase con grande fidelidade a obra empregando actores, efectos sonoros e música, e pode seguirse perfectamente a historia lendo o cómic mentres se escoita o programa, malia a estar en esloveno.
