"Retranca", Antonio Seijas e Alberto Vázquez, premios populares do Saló del Còmic

Malia a que o xurado oficial non recoñeceu a banda deseñada galega nesta edición, os nosos autores e iniciativas non voltan de baleiro do Saló del Còmic que se está a celebrar estes días en Barcelona. As votacións populares outorgáronlle a "Retranca", dirixida por Kiko da Silva, o premio á mellor revista de 2007. Antonio Seijas, co álbum "Un home feliz" co que xa gañara o Premio Castelao, foi recoñecido desta volta co premio popular ao mellor guión, e Alberto Vázquez, aínda que quedou sen nada nas categorías oficiais, levou o recoñeceñemento do público ao mellor debuxo. Parabéns a todos os gañadores.