As publicacións “El manglar” e “El fanzine enfermo” completan a presenza galega nos premios do Saló del Còmic de Barcelona

Para alén dos tres premios do público que obtiveron Alberto Vázquez, Antonio Seijas e mais “Retranca”, os galegos conseguiron presenza nos galardóns oficiais do Saló de Barcelona mediante a súa participación en publicacións colectivas. De feito, o premio ao mellor fanzine foi para “El fanzine enfermo”, que codirixía Alberto Vázquez e que contaba nas súas páxinas coa presenza periódica de autores coma Brais Rodríguez, Miguel Porto ou Martín Romero. Tamén “El Manglar”, elixida mellor revista, tiña nas súas páxinas unha colaboración habitual de Porto.