Dúas librarías abren un circuíto de presentacións de BD

As librarías especializadas Banda Deseñada de Vigo e Paz de Pontevedra botan a andar este mes de novembro un circuíto de presentacións de cómic. A iniciativa pretende crear unha estrutura estable de promoción da novena arte na provincia, acollendo actividades como mínimo unha vez ao mes en cada cidade. Abre o proxecto a visita do zaragozano Álvaro Ortiz, que presentará o seu último álbum Julia y la voz de la ballena os días seis e sete de novembro. En decembro visitará estas librarías Alfonso Zapico, autor de Café Beirut e La guerra del profesor Bertenev. Para xaneiro será a galega Emma Ríos quen presente os seus últimos traballos.