Rogelio López explicará no Consello da Cultura como a arte serve para sinalizar a cidade

É un coñecido artista visual que ten realizado numerosas intervencións en espazos públicos de cidades europeas e americanas. Por iso, Rogelio López Cuenca é un perfil idóneo para explicar como a arte pode servir de indicador nunha cidade. A súa conferencia (Biblioteca do Consello da Cultura Galega, 17:00 horas) insírese nas xornadas “Arte+Espazo público” que se desenvolven ao longo de todo o ano e nas que se debate a función da arte nos espazos públicos desde un punto de vista urbanístico, social e ata económico.