Fernando Castro achégase ao contexto da arte contemporánea na súa conferencia no Consello da Cultura

É crítico de arte, comisario de exposicións e profesor da Universidad Autónoma de Madrid. Por iso, Fernando Castro Flórez é unha voz máis que autorizada para falar da situación da arte no contexto actual. De feito, a súa conferencia titulada “A obra de arte na era da perogrullada incesante” forma parte do seminario “O(s) Sentido(s) da(s) Cultura(s) que organiza o Consello da Cultura Galega e que coordina o profesor Ramón Máiz. A charla, que se pode descargar desde o sitio web do CCG, terá lugar esta tarde na biblioteca da institución.