Despois de que a consellaría de Cultura retirara a partida orzamentaria que obrigou aos editores a suspender a edición deste ano do Cultur.gal, o concello da Coruña non quixo desarpoveitar o tirón que tivo a feira o ano pasado na cidade (con 40.000 visitas en 4 días) e acaba de anunciar que organizará un encontro semellante. Terá lugar na última semana novembro (fin de semana do 28 e 29) e, tal e como apuntan no web da concellaría de Cultura contará con mostras “dos produtos e traballos de todo o sector cultural”. Ademais, no mesmo sitio web, pon a disposición dos usuarios un correo electrónico para que o público decida cal é o nome que vai levar este encontro.
