A reducción orzamentaria en I+D afecta aos proxectos de investigación das universidades galegas

A Cidade do Mar (pensada como centro de Investigacións Mariñas), o centro de Investigación Aplicada en Tecnoloxía Computacional e Modelización Matemática, o Centro Nacional de Xenotipado... son só algúns dos proxectos realizados por universidades galegas que sufrirán severos recortes para o 2010. ¿A causa? A crise económica que obrigou a unha reducción drástica dos Orzamentos Xerais do Estado que afectou, entre outras carteiras, á de Investigación e Desenvolvemento. Faro de Vigo publica hoxe que os principais proxectos das universidades galegas perigan por falta de fondos. Ademais, este xornal tamén apunta o descenso e supresión de axudas aos estudantes de doutoramento, co que se teme un descenso de investigadores no noso país.