As universidades galegas continúan a sufrir un acusado descenso de alumnos. Deste xeito, se en 1997 había 99.536 estudantes, no último curso só se matricularon 67.847, un 32% menos, segundo os datos do Instituto Nacional de Estatística. Esta caída é moi superior en Galicia do que no conxunto do Estado, que no mesmo periodo veu reducido o número de universitarios nun 12%. No noso país son as universidades de Santiago e Vigo as máis afectadas, cun 36% menos matriculados na última década, mentres que a da Coruña perdeu un 17,6% dos seus estudantes.
