A mostra <i>Irreversible</i> interpreta un coleccionista a través das obras da súa propiedade

Achegarse a un coleccionista de arte a través das obras da súa propiedade. Esta é a proposta que nos fai María Lombao ao comisariar a mostra Irreversible. A iniciativa pode verse no Pazo da Cultura de Pontevedra ata o vindeiro 15 de novembro.

O proxecto achega obras de 42 creadores internacionais coma Bruce Nauman, Art & Language, Imi Knoeble, Richard Deacon, Helena Almeida, Jorge Macchi ou Boris Mikhailov, pezas que fan parte da colección Sánchez-Ubiría. Segundo explica a comisaria, "trátase dunha colección construída dende a intuición, o impulso, e a racionalidade ao mesmo tempo. Todas esas correntes atópanse na selección e mistura de pezas escollidas".