Como xa é habitual, a Feira Galega das Artes Escénicas tamén deixa un oco para a reflexión. Na edición deste ano, que terá lugar do 19 ao 23, as mesas de debate analizarán os éxitos e fracasos comunicativos dos espectáculos e sobre a programación de novos formatos escénicos. Canda estas actividades, o encontro organizado pola Axencia Galega das Industrias Culturais (AGADIC), tamén contará con catro showcases de danza e unha zona de mercado con 16 stands de empresas e asociacións do sector.
