O CCG e a Penzol asinan un convenio para dixitalizar o epistolario de Ramón Piñeiro

Unha das constantes na vida de Ramón Piñeiro foi a de cultivar as numerosas amizades que fixo ao longo da súa vida. Só así se explica que a día de hoxe existan na Fundación Penzol, que atesoura o seu legado, máis de 8.000 cartas nas que reflexionaba sobre a Galicia da época e outras cuestións. En total, tense documentado que hai 1.300 destinatarios. O seu estudo, análise e dixitalización será posible grazas a un convenio que asinaron hoxe Ramón Villares, presidente do Consello da Cultura Galega, e Alfonso Zulueta de Haz, vicepresidente da Fundación Penzol.