A Fundación Penzol recibe o legado bibliográfico e documental do galeguista Ramón Piñeiro

Os papeis, libros e documentos que Ramón Piñeiro empregaba diariamente poderán ser consultados na Fundación Penzol. Os herdeiros do ilustre galeguista acaban de ceder á fundación viguesa os fondos do seu gabinete de traballo para o seu estudo e divulgación. Ademais, no acordo de “cesión en uso” a Fundación Penzol comprométese a asumir o labor de inventariado e documentación mediante escritura pública.