Se foron moitos os interlocutores que se sentaron arredor da mesa de braseiro de Ramón Piñeiro, foron moitos máis os que se escribiron con el. Escritor incansable, cultivador como poucos do xénero epistolar, as cartas foron outras vÃas do “socratismo” que profesou Ramón Piñeiro. O conxunto das cartas, que supera as 8.000 unidades dirixidas a 1.300 destinatarios, está fisicamente na Fundación Penzol. Agora, grazas a un convenio do Consello da Cultura Galega (CCG) con esa entidade procederase á dixitalización e catalogación para a súa posterior divulgación. Non é unha iniciativa illada, senón que fai parte dun proxecto do CCG para dixitalizar e catalogar o epistolario de galeguistas ilustres e que xa iniciaron con Luis Seoane e Francisco Fernández del Riego.
