Xosé Neira Vilas doa á RAG trescentas cartas do seu arquivo persoal

Non son só as cartas persoais de Xosé Neira Vilas, senón unha crónica da segunda metade do século XX contada polo puño e letra dos galeguistas da época. Neira Vilas doou onte á Real Academia Galega 304 cartas orixinais que se escribiu con intelectuais como Blanco Amor, Carvalho Calero, Rafael Dieste, Antonio Fraguas ou Ramón Piñeiro, entre outros. Todas elas fan parte do epistolario persoal do autor de Memorias dun neno labrego, que se escribiron cando estivo emigrado en Bos Aires e Cuba.