A Xunta asina dez novos convenios para a promoción do galego en universidades estranxeiras

Ata dez universidades de diferentes destinos como Portugal, Estremadura, Francia, Padova, Granada ou Murcia, acaban de asinar respectivos convenios coa Secretaría Xeral de Política Lingüística para a investigación e promoción da lingua e literatura galega. En total destinaranse 650.000 euros a estas iniciativas e estarán en vigor ata o 2012. Estes dez convenios engádense aos seis asinados no pasado mes de setembro, que se traducen en xornadas, compras de libros, discos e vídeos e na presenza dun profesor-lector nomeado pola Xunta.