A Xunta renova acordos con seis universidades estranxeiras para promover o galego

Representantes das universidades de Barcelona, Bahía, Tübingen, Wales, Nova de Lisboa e o Queen College de Oxford acaban de renovar os convenios co Secretario Xeral de Política Lingüística para a docencia, investigación e promoción do galego neses centros. En total destinaranse 330.000 euros a desenvolver este traballo ata o ano 2012 . Entre as obrigas figura a de organizar actividades de investigación, promoción e difusión da nosa lingua, adquirir material bibliográfico, fonográfico e audiovisual e acoller ou contratar un profesor-lector nomeado pola Xunta.