A realidade a cámara lenta

Hai dous denominadores comúns nos nove artistas que fan parte de A arte da semellanza a exposición que acolle o centro cultural de Caixanova de Vigo ata o 25 de outubro: dunha banda o virtuosismo e a perfección técnica e da outra o recurso á figuración, á representación de imaxes recoñecibles. Trátase do primeiro estudo que se realiza sobre a figuración desde unha perspectiva actual no que hai cabida para debuxo, pintura, vídeo ou instalación. Mercedes Rozasa é a comisaria dunha mostra na que participan Salustiano, Juan Francisco Casas, Rómulo Celdrán, Perianes ou Marta Blasco, entre outros.