A feira de arte de Vigo reorienta a súa estratexia para converterse nunha referencia internacional

Entre o 14 e o 18 de xaneiro, Vigo terá unha cita coa arte. Será nesas datas cando se desenvolva unha nova edición da feira de arte contemporánea que abandona o nome de Puro arte para chamarse Espazo atlántico. Non é o único cambio, xa que o encontro renova a súa imaxe ao tempo que endurece as condicións de participación para as galerías, xa que pretende ser un encontro de referencia internacional. Entre as novidades, destaca a presenza de David Barro, que asume a dirección artística da feira. En canto á participación de representantes galegos no encontro, chegouse a un acordo de colaboración coa Asociación Galega de Galerías de Arte, que garante a presenza de galerías como Trinta, SCQ, Bacelos, C5 Colección/Factoría Compostela.