A Asociación Cultura Val de Láncara anunciaba esta mañá oficialmente que Luz Pozo Garza é a gañadora do VIII Premio Ramón Piñeiro Facer País. Un xurado composto por representantes de diferentes asociacións aulturais da comarca de Sarria e o Val do Neira, o concello de Láncara, o Club Unesco-Sarria, e o C.P.I. Ramón Piñeiro seleccionaron a poeta entre un total de 35 candidaturas. Con este galardón, a organización quere recoñecer o conxunto da obra de Pozo Garza e o seu compromiso estético.
