Once grupos galegos participarán nos intercambios da Rede de Música ao Vivo

O programa de intercambio que desenvolve a Rede Galega de Música ao Vivo coa súa homóloga portuguesa OuTonalidades chega este outono á súa segunda edición. En total, serán once grupos galegos e seis portugueses os que muden de escenario e pasen a raia para o país veciño co obxectivo de dar un total de 47 concertos en vinte localidades diferentes entre setembro e decembro. Pola banda galega participan no proxecto Aló Django, Banda Potemkin, Bukowski Blues Trío, Carmen Dor, Coanhadeira, De Outra Margem, Lamatumbá, Modulok Trío, Portrait, Som do Galpom e Son+D2, mentres desde Portugal achléganse Comcordas, Olivetree, Samasati, Sofia Ribeiro, Taberna Revisitada e Uxu Kalhus.