As axudas á tradución de obras foráneas para o galego que tradicionalmente convocaba a Consellaría de Cultura non existirán este ano. Segundo publica Xornal de Galicia o departamento que dirixe Roberto Varela non fará a convocatoria neste exercicio, ao considerar que "a partida reservada para estas subvencións" é "demasiado pequena". No entanto, a Consellaría manifesta o seu convencemento sobre a utilidade deste programa e pretende recuperalo para 2010.
