No prazo comprometido pola Consellaría de Cultura tralo órdago lanzado polos actores, a Axencia Galega das Industrias Culturais acaba de resolver as subvencións ás industrias culturais. En total concedeu 1.450.00 euros a 47 compañías galegas co obxectivo de fomentar a estabilidade das empresas. Nesta liña, a novidade deste ano outorgou as primeiras axudas específicas para compañías residentes (aquelas que contan con espazos escénicos propios) que foron para Sarabela Teatro, Teatro do Morcego, Teatro de Ningures e Cabo Sam Lourenzo. Ademais, continúa aberto o prazo de solicitude para o programa Crédito-Cultura, nacido no 2008 e ao que este ano se acolleron 6 empresas.
