Os encoros dificultarán que a Ribeira Sacra sexa Patrimonio da Humanidade

As obras que Iberdrola está a realizar na central de Santo Estevo poden afectar ás posibilidades de que a Ribeira Sacra chegue a ser Patrimonio da Humanidade. José Antonio Rodríguez Villasante, vocal do organismo asesor da UNESCO ICOMOS, explicáballe onte a Xornal de Galicia que "unha centras hidroeléctrica ou varias non consolidan unha candidatura". Ademais, lembraba que a Ribeira Sacra "é un espazo mixto natural e arquitectónico" e que actuación coma esta poden "afectar ao espírito do lugar". O proxecto que está a realizar a compañía eléctrica provocou múltiples protestas polos seus efectos paisaxísticos e ambientais.