O Museo de Pontevedra acollía onte a presentación de Xogos populares en Pontevedra. Esta publicación do Consello da Cultura Galega recupera un estudo orixinal que fixo Xosé Casal e Lois entre 1909 e 1911 e que recolle preto de 150 entretementos que se practicaban naquel momento na provincia. Xosé Fuentes Alende foi o responsable de compilar e achegar unha ampla introdución ao estudo. O texto de Fuentes está dispoñible no web do Consello da Cultura Galega.
