O IES Perdouro entrega mañá os seus premios de BD

Miguelanxo Prado será o convidado de luxo para a entrega de premios do primeiro certame de banda deseñada que convocou o IES O Perdouro de Burela. Nesta convocatoria resultou gañador na categoría aberta Esteban Bernárdez pola obra O contrabandista. Na categoría escolar de ata 18 anos venceu Andrea Sinde González coa obra Morte por amor, mentres que na de alumnos de menos de 14 gañou Tania Díaz Vázquez con O resplandor do bosque. A entrega de premios farase mañá, 23 de xuño, ás 12 e media da mañá.