Páxina de Sempre Abril
No marco dos VI Encontros de Banda Deseñada da Mariña que organiza o IES Perdouro de Burela, coñecemos hoxe os gañadores do Concurso de Creación de BD. Inés Vázquez Ramalla, alumna da escola O Garaxe Hermético, impúxose na categoría aberta coa obra Sempre abril. Na mesma quedou segundo o traballo A eternidade dun intre de José Miguel Martínez García e Óscar López Gómez. Na categoría escolar ata 18 anos gañou Daniel Noya Pintos do IES A Xunqueira 1 de Pontevedra pola banda deseñada Fálame do Mar, mentres na de autores ata 14 anos impúxose Carolina Cordido García do CEIP de Cervo coa obra Piricadas.
