A Xunta recuperará o Pelegrín para o Xacobeo do 2010

O Pelegrín foi a icona da peregrinación a Santiago nos Xacobeos do 1993, do 1999 e do 2004, e agora tamén a do 2010. Iso sí, actualizada (o que na xerga profesional se chama restyling) para que achegue unha imaxe actual. Esta será, xunto coa promoción na rede (desde as redes sociais como Facebook, Twitter, Tuenti... ata un sitio web propio), as dúas señas de identidade da promoción do Xacobeo. Unha estratexia que foi aprobada onte no Consello da Xunta e que investirá case sete millóns de euros en dar a coñecer o Ano Santo. Entre as medidas destaca a campaña en Google que pretende acadar máis de 600 millóns de visitas á web.