Un total de once editoras colaboran coa Secretaría Xeral de Política Lingüística no programa de dinamización para nenos e mozos Bocaberta. Esta actividade continúa e amplía a iniciativa que desenvolvera o pasado outono este departamento con oito empresas do sector. No programa inclúese a edición da revista de BD Galimatías, contacontos, música, radio ou proxeccións audiovisuais entre outras propostas, e chegará a preto de 500.000 nenos en 286 concellos, segundo asegurou o responsable da área, Anxo Lorenzo. As actividades están dirixidas a un público de entre 3 e 18 anos.
