O Centro Galego de Arte Contemporánea escollerá ao seu director nun concurso internacional

Non figuraba na orde do día do Padroado do Centro Galego de Arte Contemporánea (CGAC), na que estaba previsto o nomeamento de novos membros e asuntos de trámite como o balance da programación de 2009 e presentar o orzamento do 2010. Pero o conselleiro de Cultura, Roberto Varela, aproveitou a súa primeira visita ao Padroado para presentar as bases do concurso internacional para elexir o futuro director do Centro. Será nun concurso que teña en conta os fins, valores, liñas, programas e obxectivos para un proxecto de cinco anos. Deste xeito, preténdese desvencellar a elección do director da lexislatura política, o que lle permitirá garantir o desenvolvemento do seu programa.