É un dos combates máis antigos da humanidade, dunha banda o poderío físico dos cabalos e da outra, a racionalizacion humana. A rapa das bestas é un espectáculo pero tamén unha tradición ancestral que se celebra no noso país. O fotógrafo Ramón Vaamonde percorreu a temporada de curros do 2008 coa súa cámara da que saíu o proxecto fotográfico A parada das bestas, que se exhibe na sede da Fundación Caixa Galicia na Coruña. Unha iniciativa que nace dunha bolsa de primeira obra que concede esta entidade financeira.
