Cancélase Acción ST, unha das propostas máis innovadoras do Centro Dramático Galego

Era unha proposta fresca, diferente e, malia que só tivo unha edición, callou moi ben entre o público. Chamábase Acción ST (porque se desenvolvía no Salón Teatro) e achegaba pezas escénicas de pouca duración en espazos atípicos do teatro como o ambigú ou os vestiarios. Foi unha proposta persoal de Cristina Dominguez, directora do CDG, que explica que non este ano non se desenvolverá nas datas previstas (neste mes de xuño) motivados polo cambio de goberno. Entre outras actividades que non se desenvolverán destaca a “noite branca” programada para o 4 de xullo, coa que se tiña previsto celebrar os 25 anos do Centro Dramático Galego.