O Espazo Europeo de Educación Superior, máis coñecido por todos coma proceso de Boloña, está a piques de abrir unha nova fenda no sistema universitario de Galicia. Non hai consenso entre as tres universidades para dar unha solución ás diplomaturas de Empresariais e a súa adaptación ao sistema de graos e evitar reduplicacións no mapa de titulacións. Despois dunha infrutuosa xuntanza do Consello Galego de Universidades, a de Vigo prorrogará as súas diplomaturas dous anos máis, mentres que a da Coruña comezará a implantar o sistema de graos. Pola súa banda, está previsto que o conselleiro de Educación, Jesús Vázquez, anuncie hoxe as directrices para evitar dupliacións no mapa de carreiras.
