No marco da conferencia que Antonio Requeni ofreceu onte sobre José González Carbalho, o Consello da Cultura Galega e o PEN Clube de Galicia anunciaron a próxima elaboración dunha antoloxía bilingüe cos poemas e prosas deste escritor. A publicación incluirá unha biobibliografía, escrita por Antonio Requeni; unha escolla dos seus poemas e artigos que publicou logo da súa única viaxe a Galicia en 1955; un discurso sobre o idioma galego e os testemuños de diferentes escritores.
