Tres dos artistas máis considerados nos ciclos jazzisticos internacionais achéganse a Galicia esta semana. O dúo de flamenco e jazz que forman Michel Camilo e Tomatito actuará na Coruña o venres, e o trío de Benny Green está esta mesma noite en Ourense.
Michel Camilo e Tomatito
O espectáculo de fusión de flamenco e jazz que están a levar en xira mundial o guitarrista andaluz Tomatito e o pianista dominicano Michel Camilo, chega á Coruña o vindeiro venres. O concerto, que se desenvolverá no Palacio da Ópera é a presentación do seu disco conxunto "Spain", que foi galardonado co Grammy ó mellor disco latino o pasado ano. As entradas poden adquirirse desde hoxe a un precio que rolda entre as mil cincocentas e tres mil pesetas. Os dous artistas contan cunha ampla traxectoria en cadanseu estilo e están considerados entre os mellores intérpretes dos dous xéneros.
Benny Greeen Trio
O Café Latino de Ourense ofrece esta mesma noite un concerto do trió do pianista de jazz Benny Green. Green, a quen acompañan Brandon Owens ó contrabaixo e Rodney Green á batería, ten colaborado con destacados músicos deste estilo musical, coma Oscar Péterson, Eddie Henderson, Walter Bishop ou Bobby Waterson entre moitos outros. O seu bo facer co instrumento valeulle en 1993 o premio Glen Gould International Protégé Price, que se outorga en Toronto.
