O Concello de Santiago presenta o web Libros-libres.org

Un interfaz en galego para a iniciativa internacional Bookcrossing.org. Esta é a proposta que presentaba hoxe o Concello de Santiago dentro das actividades da Revolta das Letras, que se desenvolverán o 16 de maio. O novo web permite facer no noso idioma o rexistro de libros para compartilos e facer un seguimento das súas lecturas na rede, sempre aproveitando as bases de datos de bookcrossing.org. A iniciativa inclúe tamén sinaléctica propia para os volumes e mais para zonas de liberación. Precisamente dentro das propostas da Revolta das Letras ceibaranse máis de corenta volumes.