Imitando a exitosa experiencia do bookcrossing ou liberación de libros para fomentar a lectura, o Concello de Vilagarcía abandonará ao longo dos vindeiros días en parques e casas de cultura 346 obras destinadas a escolares de primaria e de secundaria. Ademais de existir no web do concello foros para que os usuarios debatan sobre esta experiencia, cada libro levará unha folla de ruta na que os usuarios apuntarán que a obra pasou polas súas mans. Aqueles lectores que amosen ter lido cinco ou máis destes libros abandonados levarán un agasallo.
Máis información en La Voz de Galicia e no noso tema sobre bookcrossing en Galicia
