Os XV premios Lois Peña Novo, que recoñecen o traballo a prol da difusión e do recoñecemento da lingua galega, teñen xa gañadores. O Concello da Estrada, polo seu traballo normalizador na administración local e mais os estaleiros Barreras, polo seu compromiso expreso coa nosa lingua recibiron cadanseu premio. Canda a eles, o psiquiatra Emilio González foi recoñecido polo emprego do galego na súa traxectoria profesional e polo "valor terapéutico" que lle outorga á lingua no seu traballo.
