Maruja Mallo: de prometedora pioneira a artista universal (Materiais para unha biografía exacta e completa da pintora viveiresa entre 1902-1936) é o título do traballo co que Carlos Nuevo e Emilio Xosé Insua gañaron o XXIII Premio Ánxel Fole. O galardón, que se fallou esta mañá, premia cada ano un traballo de investigación sobre un escritor lucense. O xurado recomendou que para o vindeiro ano se lle dedique o premio á figura de Xosé Díaz Jácome.
