O 26 de maio sae á rúa
Marcopola, La isla remera, novo álbum de Jacobo Fernández editado por Bang Ediciones dentro da súa colección Mamut. A obra, subtitulada
El origen de Marcopola quere, segundo o autor, iniciar unha serie protagonizada por este personaxe que irá percorrendo un mundo fantástico na liña habitual do autor. A BD está destinada a lectores a partir de seis anos, conta con 56 páxinas a toda cor e sairá á venda por trece euros. Fernández anuncia tamén a vindeira publicación de historias curtas nas revistas
BD Banda e
2 Veces Breve.
