O Consello da Cultura acolle unha conferencia sobre o estado actual da Declaración de Dereitos Humanos

A finais do 2008 comezou unha celebración destinada a lembrar o sesenta aniversario da aprobación da Declaración Universal de Dereitos Humanos a cargo da asemblea xeral das Nacións Unidas. Dignidade e xustiza para todos é o lema da compaña coa que a ONU reafirma a idea de que a Declaración é un compromiso coa dignidade e a xustiza universais e non algo que se deba considerar un luxo ou unha aspiración. No marco da celebración, o Consello da Cultura acolle esta tarde (17:00 horas) a conferencia do profesor Danilo Zolo, presidente do Centro Jura Gentium (Centro de Filosofía do Dereito Internacional e política global de Florencia), falará contexto político e social actual e a vixencia do texto.

Danilo Zolo é profesor de Filosofía do Dereito da Universidade de Florencia, onde tamén imparte filosofía do dereito internacional e política da globalización, Ten Publicado numerosos libros e artigos centrados a filosofía política, a teoría da complexidade social e a teoría das relacións internacionais. Actualmente interésase pola filosofía do dereito internacional, os procesos de globalización, a teoría do Estado de dereito e os dereitos humanos.