A celebración mañá e Pontevedra do Correlingua é un dos puntos destacados do programa Maio, mes da lingua que celebra a cidade do Lérez. Canda a esta carreira popular, ata o comezo de xuño desenvolveranse na cidade roteiros, conferencias, proxeccións de filmes coma O espírito do bosque, e Os mortos van ás présas, intercambios lingüísticos ou actuacións teatrais. No entanto, será o 16 cando se concentren os actos. Un recital poético e mais un concerto servirán de marco á homenaxe a Ramón Piñeiro que se celebrará na praza de Curros Enríquez.
