A fraxilidade da única poboación galega que resta de carballo anano (quercus lusitanica) motivou a súa inclusión no Catálogo Galego de Especies Ameazadas coa categoría de "vulnerable". Esta é a primeira especie que se incorpora a esta lista desde a súa creación en 2007. Na actualidade só existe unha pequena mostra desta árbore nas abas do Monte Pindo, en Carnota, a 500 quilómetros da poboación máis achegada.
