Sete certames simultáneos convocan os creadores de BD do país

Nunca tal se vira na banda deseñada galega. Na actualidade están abertas sete convocatorias de certames centrados na novena arte no noso país. Desde as propostas máis veterás, coma o GZ Crea ou o certame de Cangas ata as máis recentes, coma o I certame galego de cómic sobre teatro, o do IES Perdouro ou o do Valedor do Pobo, convocatorias do máis variado teñen aberto o prazo de presentación. O feito de que catro destes certames teñan neste 2009 a súa primeira convocatoria revela unha maior penetración da BD nas programacións culturais de asociacións e entidades culturais.