As Xornadas Literarias de Neda comezan ás cinco desta tarde a súa sétima edición, centrada na figura de Virxinia Woolf. Entre hoxe e mañá, seis especialistas na figura da escritora inglesa analizarán, en diferentes mesas redondas, a súa vida e obra. No encontro participan Manuela Palacios, profesora de Filoloxía Inglesa da USC, Purificación Mayobre da Universidade de Vigo, Susana Pérez, especialista en cine e literatura, Carmen Blanco profesora de Literatura Galega da USC e María Cuquejo tradutora e profesora de Lingua e Literatura, ademais de Xosé Manuel Sande do Centro Galego de Artes da Imaxe. Canda ás mesas redondas tamén haberá unha proxección cinematográfica e, como clausura, a proxección do filme Orlando, baseado nunha obra de Woolf.
