As competencias en materia audiovisual pasan a depender de Economía e Industria

O Diario Oficial publica hoxe a estrutura orgánica completa da Xunta. Ademais dos cambios anunciados onte (a Secretaría Xeral de Política Lingüística en Educación e a de Turismo para Cultura) coa publicación do decreto pódese saber que as competencias de audiovisual se adscriben á Dirección Xeral de Promoción Audiovisual e Contidos Dixitais que pasa a integrarse na Consellaría de Economía e Industria. O novo Presidente continuará tendo as competencias en materia de medios de comunicación (Secretaría Xeral de Medios) á que queda adscrita a CRTVG.