A plataforma Galego, sempre mais convoca a se manifestar o 17 de maio

Galego, sempre mais é o nome da plataforma que se presentaba o pasado sábado en Vigo. O novo colectivo publicou un manifesto no que denuncia a "falácia" da imposición da nosa lingua e chama a se mobilizar o vindeiro 17 de maio nunha manifestación que sairá da Alameda de Compostela e que se desenvolverá de xeito independente da convocada pola Mesa pola Normalización Lingüística. O novo colectivo reivindícase coma reintegracionista e reclama, mediante un manifesto, que a Real Academia e o Instituto da Lingua se pronuncien sobre conflito lingüístico no país, ao tempo que propón a figura de Carvalho Calero para o Día das Letras 2010.