Vigo a escena integra un novo espazo para as representacións teatrais

Ten a peculiaridade de que está protagonizado por compañías locais, e pretende achegar as representacións escénicas ás parroquias viguesas. Vigo a escena leva case dez anos en marcha fortalecendo as artes escénicas de base e é pioneiro en Galicia. O programa desta edición comeza sábado coa presentación de Polgariño e CIA de Artello Teatro Alla scala 1:15 no barrio do Cabral. A Escola Superior de Arte Dramática incorpórase á rede, que este ano contará con 13 compañías. As representacións son libres e gratuítas e están dirixidas a un público infantil e familiar.